საგარეო უწყება სოჭში გამართულ რუსეთისა და საქართველოს საპატრიარქოს წარმომადგენლების შეხვედრის შესახებ დეტალურ ინფორმაციას არ ფლობს. ამის შესახებ ჟურნალისტებთან საგარეო საქმეთა მინისტრის მოადგილემ დავით ზალკალიანმა განაცხადა და აღნიშნა, რომ ამ შეხვედრის შესახებ საგარეო უწყება ინფორმირებული იყო.
,, ამ შეხვედრის შესახებ ჩვენ ინფორმირებული ვართ, მაგრამ ეს არის საპატრიარქოს პრეროგატივა. მოგეხსენებათ, რომ საქართველოს საპატრიარქო რუსეთის საპატრიარქოსთან ერთად ატარებდა ამ კონსულტაციებს, აქედან გამომდინარე დეატალები ჩვენთვის ჯერჯერობით ცნობილი არ არის, თუმცა ამ შეხვედრის შესახებ ინფორმირებულები ვიყავით და უმჯობესია, რომ ამ შეხვედრის შესახებ დეტალებზე საპატრიარქოს მიმართოთ', -განაცხადა დავით ზალკალიანმა.
შეგახსენებთ, რომ 29 მარტს სოჭში აფხაზეთის დეფაქტო პრეზიდენტთან ალექსანდრე ანქვაბთან რუსეთისა და საქართველოს საპატრიარქოს წარმომადგენლების შეხვედრა გაიმართა. კერძოდ რუსეთის მხარეს, საპატრიარქოს საერთაშორისო ურთიერთობის განყოფილების უფროსი მიტროპოლიტი ილარიონი წარმოადგენდა, ხოლო საქართველოს ბიჭვინთისა და ბაკურციხის მიტროპოლიტი სერაფიმე.