ოკუპირებულ ტერიტორიებზე უკანონოდ შესვლის შემთხვევაში, უცხოეთის მოქალაქეები 400 ლარით დაჯარიმდებიან.
მათ ადმინისტრაციული სასჯელი პირველ გაფრთხილებაზე დაეკისრებათ. კანონის მეორედ დარღვევის შემთხვევაში კი, 2-დან 4 წლამდე პატიმრობა შეეფარდებათ.
"ოკუპირებული ტერიტორიების შესახებ" კანონში შესატან აღნიშნულ ცვლილებებს საპარლამენტო უმცირესობის წევრები არ ეთანხმებიან. ისინი კანონპროექტის აუცილებლობას უსვამენ ხაზს.
მათი განცხადებით, კანონი ძალაში აქამდე არსებული რედაქციით უნდა დარჩეს, რომელიც სისხლის სამართლის 2-დან 4 წლამდე პასუხისმგებლობას პირველივე შემთხვევაზე ითვალისწინებს.
ცვლილებაზე დღეს კომიტეტების გაერთიანებულ სხდომაზე იმსჯელებენ. სხდომაზე საგარეო და ევროინტეგრაციის საკითხებში მინისტრების მოადგილეებიც არიან მიწვეულნი.
