უკრაინულ მედიაში გავრცელებული ინფორმაციით, საქართველოს პრეზიდენტი გადადგომისთვის ემზადება. პრეზიდენტის შესაძლო გადადგომასთან დაკავშირებით, პოლოტოლოგი რამაზ საყვარელიძე "ჯი-ეიჩ-ენთან" საუბარში აღნიშნავს, რომ უკრაინაში ამგვარი ინფორმაციის სინამდვილე საეჭვოა მით უფრო მაშინ, როცა ქართულ სინამდვილეში ამგვარი ინფორმაცია არ გავრცელებულა. მისი თქმით, საკმაოდ ძნელია საუბარი იმაზე, თუ რა გადაწყვეტილებას მიიღებს პრეზიდენტი.
,,საკმაოდ ძნელია იმაზე ლაპარაკი მიიღებს თუ არა ასეთ გადაწყვეტილებას პრეზიდენტი, რადგან მას, მითუმეტეს ბოლო ხანებში, სჩვევია ისეთი მოულოდნელი გადაწყვეტილებები, რომლებიც მიღებულ გადაწყვეტილებებთან დიდად კავშირში არ არის. ხან თმობს პოზიციებს, ხან პირიქით ჯიუტდება, რაც აშკარად მიუთითებს იმაზე, რომ რაღაც განწყობილებებსაა აყოლილი.,,ნაციონალურ მოძრაობას" მკაფიო სტრატეგია მომავალთან დაკავშირებით არ აქვს, მათ შორის არც მიხეილ სააკაშვილს. თავისთავად უკრაინაში ამგვარი ინფორმაციის სინამდვილე საეჭვოა მით უფრო მაშინ, როცა ქართულ სინამდვილეში ამგვარი ინფორმაცია არ გავრცელებულა და უკრაინელებმა რა წყაროზე დაყრდნობით გაავრცელეს, რომ მიხეილ სააკაშვილი გადადგომისთვის ემზადება?", _განაცხადა საყვარელიძემ, რომელიც ,,ჯი-ეიჩ-ენის" შეკითხვას უშვებს თუ არა ალბათობას პრეზიდენტის ვადამდე ადრე გადადგომის შესახებ ასე პასუხობს.
,,ამ ალბათობას მე ვუშვებ კი არა, აგერ ივანიშვილი არჩევნების შემდეგ, ურჩევდა სააკაშვილს, რომ ჯობია გადადგეო. სტრატეგია, რომ ძველი კონსტიტუცია მოხსნილიყო და ქვეყანას დაეწყო ცხოვრება ახალ კონსტიტუციურ რეჟიმში, ეს საკითხი უკვე დიდი ხანია დღის წესრიგში დგას", -განაცხადა ,,ჯი-ეიჩ-ენთან"' საუბარში რამაზ საყვარელიძემ და აღნიშნა, რომ შესაძლოა სააკაშვილი მაშინ გადადგეს საერთაშორისო ორგანიზაციებისგან სააკაშვილს თუ საინტერესო შეთავაზება ექნება.
,,არა მგონია, მან მიიღოს ასეთი გადაწყვეტილება, თუ მას არ შესთავაზეს მეტ-ნაკლებად საინტერესო პერსპექტივა. ეს შეთავაზება არ გულისხმობს, რომ ის ქართული მხარისგან გაკეთდეს, რადგან არა მგონია, ქართულ სინამდვილეში პრეზიდენტობის მერე მისთვის საინტერესო იყოს რაიმე სხვა. საერთაშორისო ორგანიზაციების, ან ძლიერი სახელმწიფოებს მხრიდან მისთვის როგორც პოლიტიკოსისთვის რაიმე შეთავაზება იქნება, მაშინ შესაძლებელია ეს ნაბიჯი გადადგას", _განაცხადა საყვარელიძემ.