თბილისის საკრებულოს თავმჯდომარე ზაალ სადამაშვილს თბილისის მერი გიგი უგულავა თანამდებობაზე დარჩენას ულოცავს.
როგორც მან აღნიშნა, დღეს ნათელი გახდა, რომ საკრებულოს 26-ს წევრს ცენტრალური ხელისუფლების მთელი სისტემა და მთელი უმრავლესობა ებრძვის.
მისი თქმით, მათ ებრძვის ცენტრალური მთავრობა და მისდა სამწუხაროდ პირადად ბიძინა ივანიშვილი,
"აქედან გამომდინარე, სრულიად ლოგიკურად მეჩვენება ის გადაწყვეტილება, რომელიც მიიღო ზაალ სამადაშვილმა, ძალიან ღირსეულმა ადამიანმა, რომ მისი ნდობის საკითხი დამდგარიყო. დადგა ეს საკითხი და მე ვულოცავ მას და ვულოცავ თბილისელებს, რომ სწორედ ზაალ სამადაშვილი დარჩა საკრებულოს თავმჯდომარედ", - განაცხადა უგულავამ.
რაც შეეხება შიხიაშვილის ოცნებების ასრულებას, უგულავას თქმით, ეს პროცესი სულ მცირე სამი თვით მაინც გადაიწევს.
თბილისის საკრებულოს თავმჯდომარემ ზაალ სამადაშვილმა თანამდებობა შეინარჩუნდა. საკრებულოს დღევანდელ სხდომაზე პირველ საკითხად დაყენებულ თემას საკრებულოს თავმჯდომარის თანამდებობიდან გადაყენების შესახებ საკრებულოს წევრებმა მხარი არ დაუჭირეს.
საკრებულოს დღევანდელ სხდომაზე ფრაქცია ,,ნაციონალებმა" საკრებულოს თავმჯდომარის თანამდებობიდან გადაყენების საკითხი დააყენეს. საკითხმა საკრებულოს სხდომაზე ხმაური გამოიწვია.