"ნაციონალური მოძრაობის" ერთ-ერთი ლიდერის მიხეილ მაჭავარიანის განცხადებით, კოალიცია "ქართული ოცნება" დედაქალაქის მერისთვის კანონით მინიჭებული უფლებამოსილებების შეჩერებასა და ამ უფლებების თბილისის საკრებულოსთვის დელეგირებას გეგმავს.
როგორც მან "პირველი რადიოს" რადიოკლუბში აღნიშნა, თბილისის ხელში ჩასაგდებად გადამწყვეტი ბრძოლა მიმდინარეობს.
მისი თქმით, ეს მაშინ მოხდება, რაც "ქართულ ოცნებას" საკრებულოში უმრავლესობა ეყოლება.
მაჭავარიანის განცხადებით, საუბარია იმაზე, რომ უფლება, რომელიც მერს გააჩნია - დანიშნოს დედაქალაქის სამსახურის უფროსები, გამგებლები და განახორციელოს სხვა უფლებამოსილება, გადაეცეს საკრებულოს.
"იგეგმება კანონში შეტანილ ცვლილების შესახებ კანონში, რომლის მიხედვითაც, თბილისის მერს უფლებამოსილებას შეუჩერებენ და საკრებულოზე გადავა უფლებამოსილება. სამსახურების უფროსებს, გამგებლებს ყველაფერს დანიშნავს საკრებულო. ძალიან მარტივია - თეთრი ძაფებით რომ დალამბო, ასეთი სქემაა. აქ არის გამალებული ბრძოლა, რომ როგორც კი უმრავლესობა გადავა უმცირესობაში შეიცვლება კანონი და უნდათ ამის გაკეთება", - განაცხადა მაჭავარიანმა.
მისივე თქმით, "ქართული ოცნება" ამას ვერ გააკეთებს.