შრომის, ჯანმრთელობისა და სოციალური დაცვის მინისტრი დავით სერგეენკო საზოგადოებას მოუწოდებს ერთი წლის გოგიტა აბაშიძის გარდაცვალების მიზეზად შიმშილის დასახელებისგან თავი შეიკაონ.
როგორც მან დღეს სამინისტროში გამართულ ბრიფინგზე აღნიშნა, ბავშვის გარდაცვალება ძალიან დიდი ტრაგედიაა, რომელშიც მტყუან-მართლის გარჩევას ვერ დაიწყებენ.
მისი თქმით, ეს ძალიან დელიკატური თემაა, რადგან ოჯხს ისედაც უდიდეს ტრავმა მიადგა.
"შესწავლა მიდის და ამ კვირის განმავლობაში გვეცოდინება ყველაფერი დაზუსტებით. პირველი თხოვნა იქნება, რომ დასკვნების გამოტანას და ბრალდებებს ნუ იჩქარებთ. ის, რომ ეს ბავშვი შიმშილით გარდაიცვალა ნაჩქარევი დასკვნაა. 5 წლამდე ბავშვების გარდაცვალება სტატისტიკურად მეორე ადგილზეა და მიზეზი უმეტეს შემთხვევაში არის გარკვეული საჭმლის მონელების დარღვევები", - განაცხადა სერგეენკომ და დასძინა, რომ ამ ასაკში ბავშვს სპეციალური კვების რეჟიმის შერჩევა სჭირდება.
მინისტრის განცხადებით, გოგიტა აბაშიძეს უბნის ექიმმა სპეციალური საკვები რამდენჯერმე აუტანა, ასევე, იყო რამდენიმე მცდელობა საკვების შეცვლაზეც.
"ახლაც იქ არიან სამინისტროს წარმომადგენლები და ეს ყველაფერი რამდენიმე დღეში გვეცოდინება. ამ ბავშვს არ ჰქონია პრობლემა სამედიცინო მომსახურების მიწვდომობაზე - ნებისმიერ დროს, ნებისმიერ მომენტში, ნებისმიერ დაწესებულებაში, მით უმეტეს 28 თებერვლიდან საყოველთო დაზღვევის ამოქმედების შემდეგ, შეეძლო შეუფეხებლად მისვლა", - განაცხადა მინისტრმა და დასძინა, რომ გარდაცვლილს ასევე, წესრიგში ჰქონდა დოკუმენტაციაც.
მისი თქმით, ასეტ შემთხვევებში მარტო სახელმწიფოს არ უნდა უყურონ, სახელმწიფოს აქვს თავისი პასუხისმგებლობა და იმ პასუხს აგებს.
"არსებიბს სოციუმი, საზოგადოება და თუ ხედავდნენ ის მეზობლები, რომ წლის განმავლობაში ასეთი რაღაც ხდებოდა, კეთილი უნდა ენებათ და სანამ ურემი გადაბრუნდებოდა რაღაც ზომები უნდა მიეღოთ", - აღნიშნა სერგეენკომ.
მისივე თქმით, სოციალური დახმარების სამსახურებთან დაკავშირებულ საკადრო პოლიტიკას უფრო მეტი კატეგორიულობით მიუდგებიან.