26 მარტს, საქართველოს სტრატეგიისა და საერთაშორისო ურთიერთობების კვლევის ფონდში გაიმართა საქართველოს სტრატეგიისა და საერთაშორისო ურთიერთობების კვლევის ფონდის მიერ განხორციელებული და კომპანია „ჯეი-თი-აი კავკასუსის" (JTI Caucasus) დაფინანსებული ტრენინგის საზეიმო გახსნის ცერემონია. ღონისძიებას ესწრებოდნენ საქართველოს მთავრობისა და მედიის მაღალი რანგის წარმომადგენლები, მათ შორის ფინანსთა და საგარეო საქმეთა მინისტრების მოადგილეები, შემოსავლების სამსახურის უფროსი, რეგიონული განვითარების სამინისტროსა და ეროვნული ბანკის თანამდებობის პირები.
აღნიშნული პროექტი უნიკალური პრეცენდენტია, როდესაც საქართველოში კერძო კომპანია აფინანსებს საჯარო სექტორის განვითარებაზე ორინეტირებულ პროგრამას, რაც მიმართულია ფინანსების, ეკონომიკისა და სავაჭრო პოლიტიკის საკითხებში ჯანსაღი დებატების წარმოების პროცესის ხელშეწყობაზე.
სამი თვის განმავლობაში საქართველოს საჯარო სექტორისა და მედიის 18 წარმომადგენელი, ვინც პირდაპირ არის ჩართული ქვეყნის ეკონომიკურ, ფინანსურ და სავაჭრო საკითხებზე პოლიტიკის შემუშავებასა და ინფორმაციის გავრცელებაში გაივლის აღნიშნულ ტრეინინგს.
ლექციებზე განიხილება ევრო საბჭოს სავაჭრო პოლოტიკა და თავისუფალი ვაჭრობის შესახებ ხელშეკრულება, ამასთანავე მონაწილეები გაეცნობიან საერთაშორისო ვაჭრობის, სავაჭრო სტატისტიკისა და საბაჟო გადასახადების საფუძვლებს.
გახსნის საზეიმო ცერემონიაზე საქართველოს ფინანსთა მინისტრის პირველმა მოადგილემ გიორგი თაბუაშვილმა დიდი მადლობა გადაუხადა JTI-სა და GFSIS-ს აღნიშნული ინიციატივისათვის, და აღნიშნა რომ ეს არის ძალიან კარგი პრეცედენტი, რომელიც მიმართულია საჯარო სექტორში არსებული შესაძლებლობების განვიარებაზე, ასევე იმედი გამოთქვა მომავალში აღნიშნული თანამშრომლობა კიდევ უფრო გაღრმავებაზე.
ასევე ხაზი გაუსვა საჯარო სექტორს განვითარებაში ბიზნესის დახმარების მნიშვნელობას საგარეო საქმეთა მინისტრის მოადგილემ დავით ჯალაღანიამ, მან აღნიშნა რომ მაქსიმალურად უნდა მოხდეს ამ უნიკალური შესაძლებლობის გამოყენება. აღნიშნა რომ ეს არის ძალიან მნიშვნელოვანი და დროული ინიციატივა საქართველოსთვის და რომ ის პირდაპირ პასუხობს ქვეყნის წინაშე არსებულ განვითარების მოთხოვნებს.
საქართველოს შემოსავლების სამსახურის უფროსმა ლაშა ხუციშვილმა მადლობა გადაუხადა JTI-ის საქართვეოში ჯანსაღი ეკონომიკური გარემოს განვითარებაში დახმარებისათვის და იმედი გამოთქვა აღნიშნული თანამშრომლობის გაგრძელებაზე.
JTI Caucasus-ის გენერალური მენეჯერის პოლ ჰოლოვეის განაცხადებით: „JTI Caucasus-ს კარგად ესმის თუ რამდენად მნიშვნელოვანია ჯანსაღი თანამშრომლობა ბიზნესსა და მთავრობას შორის. GFSIS-ის დახმარებით ჩვენ შევძელით შეგვემუშავებინა საინტერესო პროგრამა და განგვეხორციელებინა ჩვენი ინიციატივა. ეს არის პირველი პრეცედენტი როდესაც კერძო კომპნანია აფინანსებს ამდაგვარ ღონისძიებას და ვიმედოვნებ რომ ჩვენ მომავალშიც გავაგრძელებთ თანამშრომლობას საქართველოში საჯარო სექტორის განსავითარებლად."