დღეს, 27 მარტს 12:00 საათზე, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარესთან არასამთავრობო ორგანიზაციების შეხვედრა გაიმართება.
განსახილველი საკითხები - პატიმრობის კოდექსის ცვლილებები; პენიტენციური სისტემის დაწესებულებებზე საზოგადოებრივი მონიტორინგი; სისხლის სამართლის საპროცესო კოდექსში შესატანი ცვლილებები; სისხლის სამართლის კოდექსი და პრობაციის შესახებ კანონი იქნება.
შეხვედრაში ორგანიზაციების - ციხის საერთაშორისო რეფორმა, საქართველოს ახალგაზრდა იურისტთა ასოციაცია, "კონსტიტუციის 42-ე მუხლი", საქართველოს ადვოკატთა ასოციაცია, ადვოკატები დამოუკიდებელი პროფესიისათვის, საზოგადოებრივი დამცველი, წამების მსხვერპლთა ფსიქოსოციალური და სამედიცინო რეაბილიტაციის ცენტრი და ახალგაზრდა ადვოკატების წარმომადგენლები მიიღებენ მონაწილეობას.
