სასჯელაღსრულების #9 დაწესებულების, ე.წ. მატროსოვის ციხის ტერიტორიაზე, დაწესებულების სოციალური მუშაკი შ. ბ. გარდაიცვალა.
სასჯელაღსრულების სამინისტროს ინფორმაციით, სოციალური მუშაკი სამსახურებრივი მოვალეობის შესრულების დროს დაიღუპა.
"გარდაცვალების ფაქტთან დაკავშირებით, იმავე დღეს, სასჯელაღსრულების, პრობაციისა და იურიდიული დახმარების საკითხთა სამინისტროს საგამოძიებო დეპარტამენტში მოკვლევა დაიწყო. გამოკითხულნი იყვნენ, როგორც #9 დაწესებულების მსჯავრდებულები, ასევე, ადმინისტრაციის წარმომადგენლები, რომლებმაც დაადასტურეს, რომ 25 მარტს შ. ბ. ასრულებდა სამსახურებრივ მდგომარეობას, რა დროსაც მოუვიდა გულის უეცარი შეტევა", - ნათქვამია სამინისტროს განცხადებაში.
სამინისტრო შ.ბ-ს გარდაცვალების გამო მწუხარებას გამოთქვამს და ამასთანავე, მიზანშეწონილად მიიჩნევს, რომ გარდაცვლილის ოჯახის წევრებზე შესაბამისი სოციალური დაცვის გარანტიები გავრცელდეს.
