"ჩვენ გვექნება პერსპექტივა, შესაძლებლობა შევხვდეთ საქართველოს პარლამენტის თავმჯდომარეს საერთაშორისო მოედნებზე, სხვა ფორმატებში - მე ასეთი დიალოგისათვის მზად ვარ", _ განაცხადა რუსეთის ფედერაციის საბჭოს თავმჯდომარემ ვალენტინა მატვიენკომ "პირველი რადიოს" კითხვაზე პასუხის გაცემისას იმის შესახებ თუ მზად არის ის თუ არა საქართველოს პარლამენტის თავმჯდომარეს შეხვდეს.
"როგორც თქვენ იცით, საქართველომ გაწყვიტა რუსეთთან დიპლომატიური ურთიერთობები მაგრამ მე მომხრე ვარ იმისა, რომ ნებისმიერი დიალოგი სჯობს მის არარსებობას, ამიტომაც მიმაჩნია, რომ ჩვენ გვექნება პერსპექტივა, შესაძლებლობა შევხვდეთ საქართველოს პარლამენტის თავმჯდომარეს საერთაშორისო მოედნებზე, სხვა ფორმატებში - მე ასეთი დიალოგისათვის მზად ვარ", _ განაცხადა მატვიენკომ.
მისივე თქმით, ქართველ და რუს ხალხს აკავშირებს ხანგრძლივი ისტორიული კავშირები, ურთიერთპატივისცემა, კულტურის საერთოობა, რელიგია და მრავალი სხვა რამ აკავშირებს.
"ჩვენთვის ძალიან ძვირფასია ჩვენი ეს სიმდიდრე. ხოლო რაც შეეხება რუსულ-ქართულ თანამშრომლობას - ნებისნიერი თანამშრომლობა ეს ორმხრივი მოძრაობის ქუჩაა. როგორც თქვენ იცით, წინააღმდეგობების ესკალაცია ჩვენ არ დაგვიწყია. არავითარ შემთხვევაში და ჩვენ ვიცით, რომ ქართველი ხალხს და რუსი ხალხს სურს რომ ჩვენ ვიცხოვროთ მშვიდობაში, მეგობრობაში და თანამშრომლობაში.
ჩვენ გვაქვს იმედები, რომ საქართველოს ახალ ხელისუფლებას ესმის და ანგარიშს უწევს რუსეთთან თანამშრომლობის მომგებიანობას, ნორმალური დიალოგის აღგენას და ჩვენ ეს სიგნალები გვესმის და მნიშვნელოვანია, რომ ეს სიგნალები კონკრეტული საქმეებით დამტკიცდეს.
ჩვენ მზად ვართ მომავალშიც ვაწარმოოთ დიალოგი, რომელიც ურთიერთპატივისცემაზე იქნება დამყარებული და იმის გაგებაზე, რომ ორივე მხარე მზადაა ამგვარი დიალოგის გაგრძელებისათვის", _ განაცხადა მატვიენკომ.