ინტერნეტ-ფორუმ WinForum-ზე "ვინდოუსის" ახალი ვერსიის სკრინშოტები გამოქვეყნდა, რომელიც ცნობილია კოდური სახელწოდებით Windows Blue - ამის შესახებ The Verge იუწყება. ის ქსელში 25 მარტს, კომპანია „მაიკროსოფტის" ხელმძღვანელის, სტივ ბალმერის დაბადების დღეზე მოხვდა.
სურათების მიხედვით, Blue 2012 წლის ოქტომბერში გამოსული „ვინდოუს 8"-ის განახლებაუფრო იქნება, ვიდრე დამოუკიდებელი ოპერაციული სისტემა. მასში პრინციპულად ახალი შესაძლებლობები არ იქნება. მისი ფუნქციების უმრავლესობა „რვიანშიც" არის, თუმცა მას ექნება ახალი ინტერფეისი, დიდი რაოდენობის ფერები, მაღვიძარა, დიქტოფონი, კინოპროგრამა და სხვა.
Windows Blue-ს არსებობის შესახებ ცნობილი 2013 წლის თებერვალში გახდა. არაოფიციალური მონაცემებით, სისტემა მზად 2013 წლის ზაფხულში იქნება.
მასალის გამოყენების პირობები
