საგანგებო სიტუაციათა მართვის სამსახური მუშაობის საგანგებო რეჟიმში რჩება. სამსახურის ბოლო მონაცემებით, რეგიონების მასშტაბით სტიქიის შედეგად მოსახლეობისთვის მიყენებული ზარალის 133 შემთხვევა, თბილისის მასშტაბით კი, 156 შემთხვევა დაფიქსირდა.
საგანგებო სიტუაციათა სამსახურში ზარები ძირითადად, ქარისგან გადახდილ სახურავებთან, ელექტროგადამცემი ხაზების დაზიანებასა და ხეების წაქცევასთან დაკავშირებით შედის.
ამასთან, არამდგრადი ამინდი თვის ბოლომდე შენარჩუნდება. დღის ბოლოსთვის დასავლეთ საქართველოში ნალექის რაოდენობა შემცირდება. უნალექო ამინდს პრობგნოზირებენ აღმოსავლეთ საქართველოშიც. ხვალ კი, მთელი ქვეყნის მასშტაბით გამოიდარებს.
ტემპერატურა აღმოსავლეთ საქართველოში 25 გრადუსამდე მოიმატებს. 27 მარტიდან კი სინოპტიკოსები ამინდის კვლავ გაუარესებას პროგნოზირებენ. 28 მარტიდან ისევ ქარია მოსალოდნელი.
უამინდობა საქართველოში 29 მარტამდე შენარჩუნდება.