25 მარტს ამინდის კიდევ უფრო გაუარესებასთან და ჰაერის ტემპერატურის კლებასთან დაკავშირებით, შსს-ს „1-1-2"-ის დეპარტამენტი კვლავ განსაკუთრებულ რეჟიმში იმუშავებს.
„გარემოს ეროვნული სააგენტო პროგნოზირებს ხვალ, 25 მარტს დღევანდელთან შედარებით ამინდის კიდევ უფრო გაუარესებას და ჰაერის ტემპერატურის კლებას, ამ პერიოდის განმავლობაში შინაგან საქმეთა სამინისტროს „1-1-2"-ის დეპარტამენტი, დირექტორის გიორგი ბიჭაშვილის განკარგულებით, სრულ მზადყოფნაშია კვლავ იმუშავოს განსაკუთრებულ რეჟიმში, რათა „1-1-2"-ის სადისპეჩერომ ოპერატიულად მიიღოს ზარები და განახორციელოს ზარების დროული დისპეჩერიზაცია, საქართველოს მოსახლეობისთვის დროული დახმარების აღმოჩენის მიზნით.
ამ დროისათვის დაფიქსირებული ზარების სტატისტიკური მონაცემები შემდეგნაირია:
• რეგიონების მაშტაბით-120 შემთხვევა;
• თბილისის მაშტაბით- 137 შემთხვევა;
ზარის ინიციატორებისაგან ფიქსირდება გამოძახებები: ქარისგან გადახდილ სახურავებთან დაკავშირებით, ელექტრო გადამცემი ხაზების დაზიანება , ხის წაქცევა, სარეკლამო ბილბორდის წაქცევა, მოსალოდნელია სხვადასხვა ტიპის საშიშროებები;
ქარისგან ჯანმრთელობის დაზიანებით ფიქსირდება სამი შემთხვევა:
• გორში ავტომანქანას დაეცა ხე, რომელში მჯდომმა პიროვნებამაც მიიღო ფიზიკური დაზიანება ;
• თბილისში ქარმა წააქცია ასაკოვანი ქალბატონი, მიღებული აქვს ფეხის ტრამვა;
• თბილისში პიროვნებას სხეულზე, წელის არეში დაეცა ხიდან მოტეხილი ტოტი;
არც ერთ შემთხვევაში მსვერპლი არ არის.
სიტუაცია განსაკუთრებით საგანგებოა აჭარაში, სანაპირო ზოლის მიმდებარე ტერიტორიებზე"- ნათქვამია შინაგან საქმეთა სამინისტროს, სსიპ „112"-ის დეპარტამენტის განცხადებაში.
მასალის გამოყენების პირობები