აფხაზეთის ე.წ. საგარეო საქმეთა სამინისტრო მოუწოდებს საერთაშორისო საზოგადოებას რეაგირება მოახდინოს ქართული მხარის მიერ თურქული გემის დაკავებაზე. გემი აფხაზეთიდან თურქეთში მიდიოდა. განცხადებაში ნათქვამია, რომ აფხაზეთის ე.წ. საგარეო საქმეთა სამინისტრო გემის დაკავებას საქართველოს სანაპირო დაცვის სამსახურის მიერ ნეიტრალურ წყლებში "მეკობრეობად და საზღვაო ტერორიზმად" აფასებს და აღნიშაავს, რომ მათ დაკავებული გემის ეკიპაჟის მდგომარეობა აღელვებს.
"ეს მეკობრეობისა და საზღვაო ტერორიზმის პირველი შემთხვევა როდია. ქვეყნის ხელისუფლება არაფრით არ განსხვავდება სომალელი მეკობრეებისგან, რომლებიც გემების დაკავებით, ძარცვითა და მესამე ქვეყნების ხომალდების კონფისკაციით არიან დაკავებულნი.
ამ პირობებში კიდევ უფრო ცხადი ხდება საქართველოს ოფიციალური პირების ორსახოვანი პოლიტიკა, თბილისის მიერ თითქოს მიდგომებისადმი კონსტრუქციული ცვლილებისა", _ ნათქვამია განცხადებაში.
სეპარატისტთა ე.წ. საგარეო უწყება მოუწოდებს ადრეკვატური და ხისტი შეფასება მისცეს საქართველოს ხელისუფლების მიერ განხორციელებულ "მეკობრულ" ქმედებებს.
