ხვალ, 25 მარტიდან, გამოიდარებს და ქარიც ჩადგება. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის ხელმძღვანელმა სვეტა ნიორაძემ განაცხადა, საქართველოს მასშტაბით ტემპერატურა მოიმატებს, თუმცა თვის ბოლომდე მოსალოდნელია მცირე ნალექი წვიმის სახით.
,,ხვალიდან უკვე გამოიდარებს. შესაძლოა, აქა-იქ შენარჩუნდეს მცირე ნალექი წვიმის სახით. ქარი ხვალ უკვე ჩადგება. 26 მარტს რაც შეეხება, დღე უნალექოდ ჩაივლის. ტემპერატურა დასავლეთ საქართველოში 23-24 გრადუსამდე მოიმატებს, აღმოსავლეთ საქართველოში კი ჰაერი 18 გრადუსამდე გათბება", _განაცხადა სვეტა ნიორაძემ და აღნიშნა, რომ 27 მარტიდან სითბოს ფონზე მცირე ნალექი, წვიმის სახით შენარჩუნდება.
,,27 მარტიდან სითბოს ფონზე ცოტ-ცოტა ნალექი წვიმის სახით მაინც არის მოსალოდნელი, როგორც დასავლეთ ისე აღმოსავლეთ საქართველოში", - განაცხადა ,,ჯი-ეიჩ-ენთან" საუბარში სვეტა ნიორაძემ და აღნიშნა, რომ მცირე ნალექი საქართველოს მასშტაბით თვის ბოლომდე შენარჩუნდება.
