აღსრულების ეროვნული ბიუროს ინფორმაციით, 2009-2012 წლებში საპროცესო შეთანხმებების შედეგად სახელმწიფო ბიუჯეტში გადარიცხულმა თანხამ 140 მლნ 39 ათას 162.76 ლარი შეადგინა. ეს თანხა წლების მიხედვით შემდეგნაირად ნაწილდება: 2009 წელი - 8 040 392.81 ლარი, 2010 წელი - 42 361 459.28 ლარი, 2011 წელი - 51 009 723.78 ლარი, 2012 წელი - 38 627 586.89 ლარი.
როგორც აღსრულების ეროვნული ბიუროს მიერ IDFI-თვის გაგზავნილი წერილით ირკვევა,სსიპ აღსრულების ეროვნული ბიურო არ ფლობს ინფორმაციას 2009-2012 წლებში დადებული საპროცესო შეთანხმებების თანხის ოდენობის და ასევე იმ მოვალეთა რაოდენობის შესახებ, რომელთა ქონება 2009-2012 წლებში ჩამორთმეულ და გადაცემულ იქნა სახელმწიფოსთვის.
