საქართველოს საგარეო საქმეთა მინისტრი აზერბაიჯანში ოფიციალური ვიზიტის ფარგლებში აზერბაიჯანის პრეზიდენტმა მიიღო.
საქართველოს საგარეო საქმეთა სამინისტროს ინფორმაციით, მაია ფანჯიკიძემ და ილჰამ ალიევმა ორმხრივი ურთიერთობების ფართო სპექტრი, სხვადასხვა სფეროში აქტიური თანამშრომლობის საკითხები და მომავალი პერსპექტივები განიხილეს.
ბაქოში მაია ფანჯიკიძემ ასევე შეხვედრები გამართა აზერბაიჯანის პრემიერ-მინისტრთან და პარლამენტის თავმჯდომარის მოადგილესთან.
ვიზიტის ფარგლებში მაია ფანჯიკიძემ მონაწილეობა მიიღო და სიტყვით გამოვიდა ტერორიზმთან ბრძოლაში თანამშრომლობის განმტკიცების საერთაშორისო კონფერენციაზე (International Conference on Strengthening Cooperation in Preventing Terrorism).
19 მარტს საქართველოს საგარეო უწყების ხელმძღვანელი თავის აზერბაიჯანელ კოლეგას, ელმარ მამადიაროვს შეხვდება.
მასალის გამოყენების პირობები