"ჟენევის საერთაშორისო მოლაპარაკებებზე ქართული დელეგაციის ხელმძღვანელი საგარეო საქმეთა მინისტრის პირველი მოადგილე დავით ზალკალიანი იქნება", _ განუცხადეს სააგენტოს სამინისტროში.

შეგახსენებთ, რომ რამდენიმე დღის წინ საგარეო საქმეთა სამინისტროში გაიმართა ჟენევის საერთაშორისო მოლაპარაკებებში საქართველოს წარმომადგენლების სამუშაო შეხვედრა მოლაპარაკებების თანათავმჯდომარეებთან.

შეხვედრას ქართული მხრიდან საგარეო საქმეთა მინისტრის პირველი მოადგილე დავით ზალკალიანი ხელმძღვანელობდა.

"შეხვედრაზე თანათავმჯდომარეებმა დაადასტურეს ჟენევის მოლაპარაკებების ფორმატისა და დღის წესრიგის უცვლელობა. მხარეებმა განიხილეს მოლაპარაკებათა მორიგი რაუნდის დღის წესრიგით გათვალისწინებული საკითხები, კერძოდ, პირველი და მეორე სამუშაო ჯგუფების ფარგლებში განსახილველი წინადადებები.

დავით ზალკალიანმა ხაზი გაუსვა ქართული დელეგაციის მზადყოფნას, გაგრძელდეს ჟენევის მოლაპარაკებების თანათავმჯდომარეებთან კონსტრუქციული თანამშრომლობა საქართველოს ოკუპირებულ რეგიონებში უსაფრთხოებისა და ჰუმანიტარული კუთხით არსებული მდგომარეობის გაუმჯობესების მიზნით", _ იუწყება სამინისტროს პრესისა და ინფორმაციის დეპარტამენტი.

ჟენევის საერთაშორისო მოლაპარაკებების მორიგი 23 -ე რაუნდი 26-27 მარტს არის დაგეგმილი.