საპარლამენტო უმრავლესობის წევრი კობა დავითაშვილი "ევროპის სახალხო პარტიასთან" დაკავშირებით პარლამენტის თავმჯდომარის დავით უსუფაშვილის განცხადებას მიესალმება.
როგორც მან დღეს "პრაიმ-ტაიმის" პრესკლუბში განაცხადა, უხარია, რომ უსუფაშვილმა ტონი შეცვალა.
"ადრე უნდა დაგვეწყო მათთან ამ ტონით საუბარი. მივესალმები უსუფაშვილის ამ განცხადებას. რა ტონიც მათ აქვთ და როგორც ყოფენ ცხვირს ჩვენს საშინაო საქმეებში, სწორედ იმ ცხვირში ვურტყამთ. თუ გინდათ ინგლისურად თარგმნეთ და იმათ გადაუგზავნეთ", - განაცხადა დავითაშვილმა.
მისი თქმით, პარლამენტის თავმჯდომარის ტონი რომ შეიცვალა კარგია, მაგრამ ეს იმ პოლიტიკური პროცესის შედეგია, რაც არის შეიდა კრიტიკა.
დავით უსუფაშვილმა "ევროპის სახალხო პარტიის" წევრ 23 ევროპარლამენტარს 11 მარტს მიმართა, სადაც მათ სიცრუეზე დაფუძნებული განცხადებების ხელმოწერისგან თავის შეკავებისკენ მოუწოდა.