"ნაციონალური მოძრაობა" კიდევ ერთხელ მოუწოდებს საზოგადოების მივიდნენ 19 აპრილის აქციაზე", _ამის შესახებ, ჟურნალისტებთან პარტიის ოფისში გამართულ პრესკონფერენციაზე ,,ნაციონალური მოძრაობის" გენერალურმა მდივანმა ივანე მერაბიშვილმა განაცხადა, რომელმაც ევროპარლამენტარების მიერ ივანიშვილისათვის გაგზავნილ მიმართვაზეც ისაუბრა და აღნიშნა, რომ წერილის შინაარსი საგანგაშოა.
" "ნაციონალური მოძრაობა" კიდევ ერთხელ მოუწოდებს საზოგადოების სხვადასხვა წარმომადგენლებს, მიუხედავად მათი პარტიული პოლიტიკური ორიენტაციისა, მოვიდნენ 19 აპრილს, 16:00 საათზე, რუსთაველზე და კიდევ ერთხელ დავაფიქსიროთ ქართველი ხალხის პოლიტიკური ნება, რომ საქართველოს მომავალი არის ნატო-ში, ევროკავშირში და საქართველოს უსაფრთხოებისა და განვითარების გზა გადის მხოლოდ ევროპაზე", - განაცხადა მერაბიშვილმა და აღნიშნა, რომ აქცია იქნება მშვიდობიანი.
შეგახსენებთ, რომ, ,,ნაციონალური მოძრაობა" აქციის გამართვას 19 აპრილს პარლამენტის ყოფილ შენობასთან 16:00 საათზე გეგმავს.