რუსეთში ქართული კვების დაწესებულებების შემოწმების დაწყების შედეგად საქართველოს ერთ მოქალაქეს სამშობლოში დააბრუნებენ.
"პეტერბურგის ქართულ კაფეებში, ქართული სტუმართმოყვარეობის მიუხედავად, სიხარულით არ მიუღიათ მისული სტუმრები - ამ დაწესებულებებში შემოწმებისათვის ფედერალური საიმიგრაციო სამსახურის წარმომადგენლები შევიდნენ. შედეგად ერთ-ერთ იქ დასაქმებულს ისტორიულ სამშობლში დაბრუნება მოუწევს" _ ნათქვამია რუსული მეიდიის მიერ მომზადებულ სიუჯეტში, რომელიც სანკტ-პეტერბურგის ქართული კაფეების შემოწმებას ასახავს.
რუსული მედიის ინფორმაციით, ზოგადად, გამოვლენილი დარღვევები მხოლოდ საპასპორტო რეჟიმის დარღვევას როდი ეხება.
საიმიგრაციო კონტროლის რეჟიმი რამდენიმე დღის განმავლობაში მიმდინარეობდა. ინსპექტორები მხოლოდ ქართული სამზარეულოს დაწესებულებებს ამოწმებდნენ.
"საქართველოს ერთი მოქალაქე ქალის მიმართ გამოტანილია გადაწყვეტილება რუსეთის ფედერაციის ფარგლებს გარეთ ადმინისტრაციული გაძევებისა და 2 ათარი რუსული რუბლის ჯარიმის დაკისრების შესახებ. შესახებ",_ აცხადებს ფედერალური საიმიგრაციო სამსახურის სანკტ-პეტერბურგის სამმართველოს პრესსამსახურის უფროსი დარია ნოვიკოვა
ამას გარდა, რუსული მედიის მიერ მომზადებულ სიუჟეტში ნათქვამია, რომ ქართული სამზარეულოს დაწესებულებებით შესაძლოა მალე სხვა უწყების წარმომადგენლები დაინტერესდნენ, ვინაიდან აქ გაურკვეველი წარმომავლობის ალკოჰოლით ვაჭრობენ.
