,,დადებითი მოვლენაა, რომ უმრავლესობამ უმცირესობასთან ერთად, ერთ დოკუმენტზე შეჯერება მოახერხა", -განაცხადა ჟურნალისტებთან საგარეო საქმეთა მინისტრმა მაია ფანჯიკიძემ პარლამენტის მიერ ქვეყნის საგარეო კურსთან დაკავშირებით მიღებული რეზოლუციის კომენტირებისას.
,,რეზოლუცია მნიშვნელოვანია და საქართველოს პოლიტიკურ ცხოვრებაში დადებითი მოვლენაა, რომ უმრავლესობამ უმცირესობასთან ერთად, მოახერხა ერთ დოკუმენტზე შეჯერება. სხვა მხრივ რეზოლუცია ასახავს საქართველოს საგარეო კურსის პრიორიტეტებს, რომელიც ახალი ხელისუფლების მიერ გაცხადებული იყო და მისასალმებელია, რომ მას უმცირესობაც დაეთანხმა", -განაცხადა ფანჯიკიძემ.
შეგახსენებთ, რომ საგარეო პოლიტიკის ძირითად მიმართულებებთან დაკავშირებით რეზოლუციის პროექტი პარლამენტმა ერთხმად 96 ხმით, მიიღო.