პარლამენტმა საგარეო კურსის უცვლელობის შესახებ რეზოლუცია ერთხმად 96 ხმით ერთხმად მიიღო. სესიაზე განხილვის დაწყების წინ, უმრავლესობასა და უმცირესობას შორის კონსულტაცია კიდევ ერთხელ შედგა და მხარეები პროექტის მე-18 პუნქტის შემდეგ ფორმულირებაზე შეთანხმდნენ: "საქართველოს არ შეიძლება ჰქონდეს დიპლომატიური ურთიერთობები ან იმყოფებოდეს სამხედრო-პოლიტიკურ ან საბაჟო კავშირში იმ სახელმწიფოებთან, რომლებიც აღიარებენ აფხაზეთისა და ცხინვალის რეგიონის/სამხრეთ ოსეთის დამოუკიდებლობას. საქართველო გაატარებს თანამიმდევრულ საგარეო პოლიტიკას, რათა უზრუნველყოს თავისი ტერიტორიული მთლიანობისა და სუვერენიტეტის საერთაშორისო პატივისცემის ურყევობა".
საპარლამენტო უმცირესობა დაჟინებით მოითხოვდა, რომ პროექტში, პოსტსაბჭოთა ორგანიზაციები - დამოუკიდებელ სახელმწიფოთა თანამეგობრობა(დსთ), კოლექტიური უსაფრთხოების ხელშეკრულების ორგანიზაცია, ევრაზიის კავშირი, საბაჟო კავშირი და სხვა პოსტსაბჭოთა სახელმწიფოთაშორისი გაერთიანებები, სადაც დომინანტი რუსეთის ფედერაციაა, საქართველოს წევრობის დაუშვებლობა ცალსახად დაფიქსირებულიყო.
