პარლამენტი დროებითი საგამოძიებო კომისიის შექმნაზე იმსჯელებს. კომისია კომუნიკაციების მარეგულირებელი ეროვნული კომისიის საქმიანობის შესასწავლად დარგობრივი ეკონომიკისა და ეკონომიკური პოლიტიკის კომიტეტის თავმჯდომარის ზურაბ ტყემალაძის ინიციატივით იქმნება.
ტყემალაძე აცხადებს, რომ მარეგულირებელი კომისიის მისამართით სამართლებრივი დარღვევებია გამოკვეთილი. მისი თქმით, დახმარებისთვის პარლამენტს რამდენიმე შპს-მ მიმართა.
ტყემალაძის განცხადებით, იკვეთება თანამდებობის ბოროტად გამოყენებისა და დოკუმენტების გაყალბების ფაქტები, ამიტომ აუცილებელია, სამი თვით შეიქმნას დროებითი საგამოძიებო კომისია, რომელიც 12 დეპუტატისგან დაკომპლექტდება.
კომუნიკაციების ეროვნულ კომისიაში ოფიციალური კომენტარი არ გაკეთებულა, თუმცა კომისია პარლამენტთან თანამშრომლობისთვის მზადყოფნას გამოთქვამს.
