"დღეს გავიგე, რომ ქვემო ქართლის გუბერნატორს უთქვამს, რომ ბიუჯეტში 800 მლნ ლარია თავისუფალი სახსრების სახითო და დაარიგონ ვაუჩერებიო. კარგი იქნება, თუ ბატონი გუბერნატორი საბიუჯეტო კანონმდებლობაში გაერკვევა და ერთმანეთისგან გაარჩებს ბიუჯეტში გათვალისწინებულ ხარჯებს და თანხას, რომელიც ამ ხარჯებისთვის არის გათვალისწინებული"- აღნიშნა ნოდარ ხადურმა.

მინისტრის თქმით, სახელმწიფო ბიუჯეტიდან სასოფლო-სამეურნეო ვაუჩერების გაცემა გათვალისწინებული არ არის. სასოფლო სამეურნეო ბარათებს არიგებს სოფლის მეურნეობის ფონდი და ეს არ არის საბიუჯეტო სახსრები და ის ურიგდება მხოლოდ სოფელში მცხოვრებ მოსახლეობას.

შეგახსენებთ, რომ დღეს დავით კირკიტაძემ საქართველოს მთავრობას და ფინანსთა სამინისტროს რუსთავის მოსახლეობისათვის 300 ლარიანი ვაუჩერების დარიგებისკენ მოუწოდა.

კირკიტაძის თქმით, სახელმწიფო კანცელარიაში 20 ათასი რუსთველის ხელმოწერა ჩააბარა და 4 მარტს ფინანსთა სამინისტროდან მინისტრის მოადგილის გიორგი თაბუაშვილის მიერ ხელმოწერილი პასუხი მიიღო, სადაც ნათქვამია, რომ საქართველოს 2013 წლის ბიუჯეტში რუსთავის მოსახლეობისთვის 300-ლარიანი ვაუჩერების თანხები გათვალისწინებული არ არის. კირკიტაძის განმარტებით, 5 მარტს ნოდარ ხადურმა განცხადება, რომ ბიუჯეტი გადაჭარბებით სრულდება და თავისუფალი სახსრების სახით 800 მილიონ ლაზე მეტია.