პრეზიდენტი ელჩების დანიშვნის ბრძანებულებას ხელს არ აწერს. ამის შესახებ ჟურნალისტებთან მთავრობის სხდომის დაწყებამდე საგარეო საქმეთა მინისტრმა მაია ფანჯიკიძემ განაცხადა და აღნიშნა, რომ მისთვის გაუგებარია რატომ აჭიანურებს ამ პროცესს მიხეილ სააკაშვილი.
"9 ელჩის კანდიდატურა საგარეო საქმეთა სამინისტროს წარდგინებით, წარედგინა პრეზიდენტს და პარლამენტს. მათ პარლამენტში ყველა პროცედურა წარმატებით გაიარეს. პლენარულ სხდომაზე დაისვა მათი კენჭისყრის საკითხი და მათ მიიღეს ხმების დიდი რაოდენობა. რაც იმას ნიშნავს, რომ ამ ელჩების კანდიდატურას ოპოზიციამაც დაუჭირა მხარი. რაც თავის მხრივ სასიამოვნოა", - განაცხადა ფანჯიკიძემ.
ფანჯიკიძის განმარტებით, მას შემდეგ რაც საბუთები პრეზიდენტის ადმინისტრაციაში გადაიგზავნა პროცედურა არის ასეთი რომ პრეზიდენტმა უნდა მოაწეროს ხელი მათი დანიშვნის ბრძანებულებას, რათა შემდგომ საგარეო საქმეთა სამინისტრომ შემდგომი პროცედურები განახორციელოს. ზოგიერთ ქვეყანაში საქართველოს ელჩი უკვე 2012 წლის სექტემბრიდან აღარ ჰყავს, ზოგიერთს ოქტომბრიდან, იანვრიდანაც კი ", - განაცხადა ფანჯიკიძემ.
მინისტრის გამარტებით რაც უფრო ჭიანურდება პროცედურები ელჩების დამტკიცების შესახებ ასიამოვნო არ არის, რადგან საგარეო საქმეთა სამინიტრომ პრეზიდენტის მიერ ბრძანებულბაზე ხელმოწერის შემდგომ რიგი ნაბიჯები უნდა განახორიციელოს რასაც გარკვეული დრო ესაჭიროება და თუ ყველაფერი ასე გაგრძელდა მაგალითად აშშ-ში საქართველოს ელჩი შეიძლება სექტემბრამდე არ ჰყავდეს.