მოსკოვში ქართველი ე.წ. კანონიერი ქურდი ლაშა ნიჟარაძე დააკავეს. რუს სამართალდამცავთა ინფორმაციით, ნიჟარაზე დედ-ჰასანთან დაპირისპირებული კლანის წევრია და უსოიანის კლანის მტრის ჯემალ მიქელაძის უახლოესი თანამებრძოლია. 37 წლის ლაშა ნიჟარაძეს დაკავებისას თან 16 გრ. ჰაშიში ჰქონდა.
აღსანიშნავია, რომ ნიჟარაძე კრიმინალურ წრეებში - ლასა წყალტუბსკის ან ლაშა სუმაშედშის ზედმეტსახელადაა ცნობილი. იგი კოლონიიდან ახალი განთავისუფლებულია. მანამდე ლაშა 2008 წელს ასევე მოსკოვში დააკავეს. მას თან მაშინაც ნარკოტიკული ნივთიერება ჰქონდა. გავრცელებული ინფორმაციით, ნიჟარაძე ნარკომანია. სასამართლომ მას 4 წლით თავისუფლების აღკვეთა მიუსაჯა. საპატიმრო კი მან ტუბერკულიოზის დიაგნოზით დატოვა.
განთავისუფლების შემდეგ ნიჟარაძეზე თვალთვალი გრძელდებოდა. სასამართლომ მას საკმაოდ მკაცრი განაჩენი გამოუტანა. მაგალითად, მას განთავისუფლების შემდეგაც მხოლოდ დღე შეეძლო ქუჩაში გამოსვლა, თუმცა ნიჟარაძე ამ დაწესებულ შეღავათს მაინც არღვევდა.
მასალის გამოყენების პირობები
