,,ეს იყო შეხვედრა შეხვედრისთვის"_განაცხადა ჟურნალისტებთან პრემიერ-მინისტრმა პრეზიდენტთან შეხვედრის კომენტირებისას და აღნიშნა, რომ შეხვედრაზე ვერანაირ შეთანხმებას ვერ მიაღწიეს.
,,ვფიქრობ, შეხვედრა იყო შეხვედრისთვის. სააკაშვილის რამდენჯერმე შევახსენე, რომ შეხვედრა მისი ინიციატივით იყო და ჩამოეყალიბებინა რის თქმა სურდა. რამდენიმე ასეთი შეხსენების შემდგომ, თითებზე ვითვლიდი და სამამდე ავედი, რამდენადაც ეს ყველაფერი დალაგებული არ ჰქონდა. საბოლოო ჯამში ის დასკვნა გამოვიტანე, რომ მისი პირველი თხოვნა იყო, რომ მედია უნდა გავათავისუფლოთ ზეწოლისაგან და საქართველოში მედიასთან დაკავშირებით უპრეცედენტო რამ ხდება, ამიტომ ამ შეხვედრას შეიძლება დავამატოთ ისიც, რომ ჩემი შენ გითხარი, მეორე მითხრა, რომ სასამართლო უნდა გავათავისუფლო ზეწოლისგან და მესამე რა უნდოდა ძალიან დიდხანს ვცდილობდი გამეგო, მაგრამ ვერ გავიგე , მაგრამ საბოლოო როროც ჩამოვყალიბდით ხალხზე მასიური დევნასა და ზეწოლას ბოლო უნდა მოეღოს", -განაცხადა ივანიშვილმა და აღნიშნა, რო პრეზიდენტს შეხვედრის დროს საკონსტიტუციო ცვლილებებთან დაკავშირებით მის მიერ გაგზავნილი წერილიც შეახსენა, რომელზეც პრეზიდენტს პოზიცია არ ჩამოუყალიბებია. ამასთან როგორც პრემიერმა განმარტა შეხვედრის დროს პრეზიდენტს ბაქოდან თბილის დაბრუნებისას გაკეთებული განცხადებებიც შეახსენა.
ბიძინა ივანიშვილის განცხადებით იგი ყოველთვის მზადაა შეხვდეს პრეზიდენტს, თუმცა შეხვედრა მხოლოდ შეხვედრისთვის არ უნდა იყოს.
