"რა უნდა იყოს საკონსტიტუციო ცვლილებებისა და დიალოგის თემა? ჩვენი ინტერესი რა არის აქ? ჩვენი იტერესი არის, რომ ქვეყანაში შენარჩუნდეს თავისუფალი სასამართლო. იმიტომ, რომ მთავრობა უნდა მუშაობდეს და უნდა ჰქონდეს მუშაობის სრული თავისუფლება, ვერავინ ვერ შეუშლის ხელს და ლაპარაკი, რომ ვიღაცას ვერ ვიჭეერთ და ამიტომ ვერ ვმუშაობთ, მე მგონი ამას სერიოზულად არავინ არ იღებს", - ამის შესახებ საქართველოს პრეზიდენტმა მიხეილ სააკაშვილმა პრემიერ-მინისტრ ბიძინა ივანიშვილთან შეხვედრის დასრულების შემდეგ ჟურნალისტებს განუცხადა.
მისი თქმით, საქართველოს სჭირდება მთავრობა რომელიც ეფექტურია და რომელსაც არავინ არ უშლის ხელს
"ჩვენ გვჭირდება მთავრობა, რომელიც ეფექტურია და რომელსაც არავინ ა უშლის ხელს...მეორე მხრივ, საქართველოს მოქალაქეებს სჭირდება საქართველოში იყოს თავისუფალი, დიქტატისგან თავისუფალი სასამართლო. ეს სასამართლო ბუნებრივად ვერ იქნება ჩემი დიქტატის ქვეშ, იმიტომ, რომ მე ამის ბერკეტები აღარ მაქვს.. ის არ უნდა იყოს არც პროკურატურის დიქტატის ქვეშ და არც რომელიმე სამთავრობო უწყების დიქტატის და შანტაჟის ქვეშ. საქართველოს გრძელვადიანი მომავლლისთვს, ჩვენი თავისუფლებისთვის მნიშვნელოვანია, რომ სასამართლოს ჰქონდეს განცდა, რომ ის არის ხელშეუხებელი. ყველამ ვიცით, რომ სასამართლოში არ არის კორუფიცა და ახლა სასამართლო საბოლოოდ უნდა ჩამოყალიბდეს სრულფასოვან ინსტიტუად. ეს არის ჩემი პირველი მთავარი მოთოხოვნა", - განაცხადა მიხეილ სააკაშვილმა.
მისი თქმით, მეორე მოთხოვნაა შეწყდეს ყველანაირი ზეწოლა მედიაზე.
"უნდა შეწყდეს ყველანაირი ზეწოლა მედიაზე. თქვენ იცით, რომ სხვადასვხა პროცესები ვითარდება საზოგადოებრივ არხზე, სხვადასხვა ხელის ფათური გარედან. სხვადასხვა მუქარები მიდმინდრეობს რუსთავი 2-ის და ტელეარხების მიმართ. იყო სხვა ისტორიები როდესაც ტელეარხები დაიხურა, მეპატრონეები გამოიცვალა და ა.შ. მე არ მინდა განზოგადება ყველა ისტორიის, მაგრამ ფაქტია, რომ მედიის მიმართულებით მიდის გეგმაზომიერი კამპანია, პოლიტიკური კონტროლის დამყარების. ქვეყანაში იქნება ერთ სახის მედიაც და მეორე სახის მედიაც. ჩვენ, მთავარია მივაღიწოთ იმას, რომ იყოს პლურალიზმი და არავის ჰქონდეს ცდუნება მთელი მედიის გაკონტროლების და მაშინ ჩვენს მოქალაქეებს აღარ ექნება საშუალება გაიგონ ალტერნატიული აზრი და ქვეყანაში უნდა იყოს ალტერნატიული აზრი და ოპოზიცია და ამაზე ყველანი უნდა შევთხნამდეთ", - განაცხადა მიხეილ სააკაშვილმა.
პრეზიდენტმა მესამე საკითხად პოლიტიკური ოპონენტების დოვნის შეწყვეტის მოთხოვნა გააჟღერა.
"რა თქმა უნდა, არავის არ აქვს იმუნტეტი არც პრეზიდენტს არც მერებს, არც პარლამენტის წევრებს სისხლის სამართლებვრი დევნისგან, ეს დარეგულირებულია კანონით, მაგრამ მასობრივი დევნა რამდენიმე ათეულ ათასი ჩვენი მოქალაქის, მასობრივი შევიწროვება მხოლოდ იმის ნიშნით, რომ ისინი არიან კონკრეტული პარტიის წევრები, ეს არის ცუდი არა მარტო ამ ადამიანების, ეს არის ცუდი ამ მთავრობისთვის და ეს არის ცუდი ქვეყნისჱვის. იმიტომ რომ ქვეყანაში უნდა იყოს, ძლიერი ეფეტური მთავრობა და ქვეყანაში ამ მთავრობას უნდა ჰყავდეს ძლიერი ეფექტური ოპოზიცია, რომელსაც შესაძლებლეობა ექნება მთავრობა დააზღვიოს თუნდაც იმ შეცდომებისგან, რომელიც წინა მთავრობამ დაუშვა საქართველოში. თან ამის გამოცილება ჩვენ გვაქვს. ეს არის სამი საკითხი რომელიც ჩვენი მხრინდა იქნა დაყენებული", - განაცხადა პრეზიდენტმა.