,,საქართველოს მთავრობა ყოველთვის მზადაა გადადგას ნაბიჯები ქვეყნის კეთილდღეობისთვის", -განაცხადა ჟურნალისტებთან საგარეო საქმეთა მინისტრმა მაია ფანჯიკიძემ მიხეილ სააკაშვილისა და ბიძინა ივანიშვილის შეხვედრის კომენტირებისას.
,,საქართველოს მთავრობა ყოველთვის მზად იყო და ახლაც მზად არის იმისთვის, რომ გადადგას ის ნაბიჯები რაც აუცილებელია ქვეყნის კეთილდღეობისთვის და სწორედ ამიტომ შედგება ორშაბათს პრემიერისა და პრეზიდენტის შეხვედრა", -განაცხადა მაია ფანჯიკიძემ.
შეგახსენებთ, რომ მიხეილ სააკაშვილისა და ბიძინა ივანიშვილის შეხვედრა ხვალ, 4 მარტს გაიმართება. ამ ეტაპზე პრემიერისა და პრეზიდენტის შეხვედრის ზუსტი ადგილი უცნობია, თუმცა დღის ბოლომდე დაზუსტდება.