,,პრეზიდენტისა და პრემიერის შეხვედრა საზოგადოების შეკვრისთვის პოზიტიური ნაბიჯი უნდა გახდეს", -განაცხადა ჟურნალისტებთან თავდაცვის მინისტრმა ირაკლი ალასანიამ მიხეილ სააკაშვილისა და ბიძინა ივანიშვილის შეხვედრის კომენტირებისას.
,,ზუსტად ვიცი რა განწყობა აქვს პრემიერ-მინისტრს და უმრავლესობას ამ შეხვედრის წინ. დარწმუნებული ვარ, რომ ეს უნდა გახდეს პოზიტიური ნაბიჯი ზოგადად საზოგადოების შეკვრისთვის, გაუთავებელი პოლარიზაციის დასრულებისკენ გადადგმული ნაბიჯი. მთავრია გადაწყვეტილება არის ოპოზიციისა და ოპოზიციის ლიდერზე. მან რეალობას თვალი უნდა გაუსწოროს და გაიგოს რა არის საზოგადოების მოთხოვნა", -განაცხადა ჟურნალისტებთან ალასანიამ.
შეგახსენებთ, რომ მიხეილ სააკაშვილისა და ბიძინა ივანიშვილის შეხვედრა ხვალ, 4 მარტს გაიმართება. ამ ეტაპზე პრემიერისა და პრეზიდენტის შეხვედრის ზუსტი ადგილი უცნობია, თუმცა დღის ბოლომდე დაზუსტდება.