,,სრულიად ნათელია, რომ ქვეყანა ახლა პოლიტიკურ კრიზისს განიცდის", _აღნიშნულის შესახებ პრეზიდენტმა საპარლამენტო უმცირესობის წარმომადგენლებთან შეხვედრისას განაცხადა და აღნიშნა, რომ ,,ნაციონალური მოძრაობის" სურვილია ქვეყანაში კლიმატის განმუხტვა.
,,რამდენიმე დღის წინათ პრემიერ-მინისტრმა ულტიმატუმის ფორმით მოითხოვა ჩვენი მხრიდან გარკვეული ნაბიჯების გადადგმა საკონსტიტუციო ცვლილებებთან დაკავშირებით. ჩვენი პოზიცია მანამდეც იყო გაცხადებული და ახლაც - ჩვენ გვინდა ქვეყანაში კლიმატის განმუხტვა, სამოქალაქო მშვიდობის შენარჩუნება და პოლიტიკური კრიზისიდან გამოსვლა.სრულიად ნათელია, რომ ქვეყანა ახლა პოლიტიკურ კრიზისს განიცდის.და გვსურს, რომ ქვეყანა დაუბრუნდეს განვითარების კურსს და განაგრძოს პროგრესი. ამიტომ მზად ვართ, ძალიან ფართო, გახსნილი, მოქნილი, ყოვლისმომცველი დიალოგისთვის ყველა საკითხზე, მათ შორის, კონსტიტუციაზე.ჩვენი პასუხი ამ, მათივე სიტყვებით რომ ვთქვათ, ულტიმატუმზე, იყო, ვფიქრობ, კონსტრუქციული და ძალიან ზრდილობიანი", -განაცხადა პრეზიდენტმა და აღნიშნა, რომ პარტია მზადაა ,,ნებისმიერ ადგილზე უახლოეს პერიოდში შესახვედრად და სერიოზულად სალაპარაკოდ.