თბილისის საქალაქო სასამართლომ გაერთიანებული შტაბის ყოფილ უფროსს გიგი კალანდაძეს, ორი ბრალდება მოუხსნა. როგორც სასამართლო პროცესზე მოსამართლე ეკა არეშიძემ განაცხადა გიგი კალანდაძეს ბრალი პირველად გასული წლის 8 ნოემბერს იუსტიციის მინისტრის მხრიდან წარედგინა, შემდეგ 12 და 19 ნოემბერს პროკურატურის მხრიდან და ბოლო ორი ბრალდების დადგენილება უნდა გაუქმდეს.
არეშიძის განმარტებით, 8 ნოემბრის გიგი კალანდაძე თანამდებობიდან გადააყენეს, თუმცა ოფიციალურად პრეზიდენტს გათავისუფლებაზე ხელი არ ჰქონდა მოწერილი.
"კალანდაძე თანამდებობიდან გათავისუფლდა მხოლოდ 5 დეკემბერს და 12 და 19 ნოემბრის მდგომარეობით იგი მითითებული თანამდებობის პირი იყო. აქედან გამომდინარე სასამართლო მიიჩნევს, რომ საბრალდებო დოკუმენტები, რომლებიც 12 და 19 ნოემბერს არის მიღებული, უნდა გაუქმდეს და საქმეში დაუშვებლად იქნეს ცნობილი", - განაცხადა ეკა არეშიძემ და აღნიშნა, რომ
უნდა გაუქმდეს გიგი კალანდაძისთვის დაკისრებული გირაო, რომელიც მას მეორედ 10 000 ლარის სახით შეეფარდა. რაც შეეხება მოხსნილ ბრალდებებს კალანდაძეს თავისუფლების უკანონო აღკვეთაში და სამსახურეობრივი უფლებამოსილების გადამეტებაში მოეხსნა ბრალი.
შეგახსენებთ, რომ კალანდაძეს ამ ეტაპზე ბრალად ედება თავისუფლების უკანონო აღკვეთაში და სამსახურეობრივი უფლებამოსილების გადამეტებაში.
