,,აქვს თუ არა თეა წულუკიანს უმაღლესი იურიდიული განათლება?", -აღნიშნულის შესახებ პარტიის ოფისში გამართულ პრესკონფერენციაზე ,,ნაციონალური მოძრაობის" წევრმა გოგა ხაჩიძემ განაცხადა და აღნიშნა, რომ პარტია იუსტიციის სამინისტროსგან კომპეტენტური პასუხს ელოდება.
"პროკურატურის შესახებ კანონის 31-ე მუხლი კი პირდაპირ ითხოვს, რომ იუსტიციის მინისტრს ჰქონდეს უმაღლესი იურიდიული განათლება. ჩვენ არაფერს ვამტკიცებთ, ჩვენ გვაქვს ერთი კონკრეტული კითხვა აქვს თუ არა თეა წულუკიანს უმაღლესი იურიდიული განათლება?. ამ კითხვაზე არის დამოკიდებული ძალიან ბევრი რამ", - განაცხადა გოგა ხაჩიძემ.
მისივე განცხადებით, თეა წულუკიანის ინიციატივა, რომ იუსტიციის მინისტრს ჩამოშორებოდა პროკურორის უფლება, შესაძლოა ერთგვარი პრევენცია იყო, რათა მას თანამდებობაზე ყოფნისას აღნიშნული მუხლის მიმართ ვალდებულება არ ჰქონოდა.
შეგახსენებთ, რომ საპარლამენტო ოპოზიციის აზრით, თეა წულუკიანს იუსტიციის მინისტრის პოსტის დასაკავებლად შესაბამისი იურიდიული განათლება არ აქვს.
