ბეჟან გუნავა პარლამენტის წევრ როლანდ ახალაიასთვის საპარლამენტო უფლებამოსილების შეწყვეტას ითხოვს. ამის შესახებ გუნავამ ჟურნალისტებს მედიაკავშირ "ობიექტივის" ოფისში განუცხადა.
ბეჟან გუნავა სამეგრელოს ყოფილ საოლქო პროკურორს კორუფციაში ადანაშაულებს.
გუნავა ინიციატივით გამოდის, რომ სამეგრელოში შეიქმნას საზოგადოებრივი კომისია, რომელიც გაუწევს მონიტორინგს როლანდ ახალაიას საქმეების გამოძიების პროცესს.
კომისიაში გაწევრიანებული იქნებიან უფლებადამცველები და საზოგადოების წარმომადგენლები.
