,,თუ საჭირო გახდა საკრებულოში ფრაქცია ,,ნაციონალური მოძრაობა" გიგი უგულავას თავდებში დაუდგება", _განაცხადა ჟურნალისტებთან თბილის საკრებულოს თავმჯდომარის მოადგილემ მამუკა ახვლედიანმა გიგი უგულავას საქმის კომენტირებისას და აღნიშნა, რომ თბილის მერთან ერთად პასუხისმგებლობას ფრაქცია ,,ნაციონალური მოძრაობის" ყველა წევრი და მერიის ხელმძრვანელობა იზიარებს.
,,თბილისის მერთან ერთად თითოეული ჩვენგანი, როგორც მერიის მთავრობის წევრები, ასევე ფრაქცია ,,ნაციონალური მოძრაობის" დეპუტატები პასუხისმგებლობას ვიღებთ ყველა საქმეზე. მერი თუ ბრალდებულია, ბრალდებულები ვართ თითოეული ჩვენგანი ", -განაცხადა ახვლედიანმა და აღნიშნა, რომ იმ შემთხვევაში თუ გიგი უგულავას აღმკვეთ ღონისძიებად პატიმრობა შეეფარდება თბილის მერის უფლებამოსილებას ვიცე-მერი სევდია უგრეხელიძე შეასრულებს.
შეგახსენებთ, რომ დღეს, 25 თებერვალს, თბილისი საქალქო სასამართლო გიგი უგულავას აღმკვეთ ღონისძიების შეფარდებაზე იმსჯელებს. სასამართლოს უკვე მიმართა მთავარმა პროკურატურამ, რომელიც გიგი უგულავასთვის აღმკვეთი ღონისძიების სახით 1 მილიონ ლარის გირაოს შუამდგომლობას ითხოვს.პროკურატურა შუამდგომლობაში ასევე მოითხოვს, რომ გიგი უგულავას შეუჩერდეს უფლებამოსილება, აეკრძალოს ქვეყნის ტერიტორიიდან გასვლა და საგამოძიებო ორგანოში კვირაში ერთხელ უნდა გამოცხადდეს.
