პრემიერ-მინისტრი ბიძინა ივანიშვილი პარლამენტის თავმჯდომარეს დავით უსუფაშვილს პარლამენტში პრეზიდენტის გამოსვლასთან დაკავშირებით საქციელს უწონებს. როგორც ჟურნალისტებთან ივანიშვილმა განმარტა დავით უსუფაშვილმა კარგი გამოსავალი იპოვა.
"ვიდრე კანონპროექტთან დაკავშირებით "ნაციონალური მოძრაობის" პოზიცია არ დაფიქსირდებოდა, უმრავლესობა პრეზიდენტის გამოსვლას არ დაესწრებოდა და ეს იქნებოდა უხერხული როგორც პარლამენტისთვის, ისე თავად პრეზიდენტისთვის. ეს კარგი გამოსავალია, თუმცა როგორც ვიცი, უმცირესობამაც მედიით გაიგო სააკაშვილის ამ განცხადების შესახებ. იგი პრინციპულად არ აკეთებს რეაქციას კითხვაზე, სურს თუ არა გააგრძელოს დიქტატორული კანონით მოქმედება. ბოდიშის მოხდას მისგან არ ვითხოვთ, მაგრამ ამ კითხვაზე პასუხს ვერ სცემს", - განაცხადა ივანიშვილმა.
შეგახსენებთ, რომ პრეზიდენტმა პარლამენტს ღია წერილით ყოველწლიური გამოსვლის თარიღის დაკონკრეტებასთან დაკავშირებით გუშინ მიმართა. როგორც დავით უსუფაშვილმა მიხეილ სააკაშვილის მიმართვის საპასუხოდ განაცხადა პრეზიდენტს პარლამენტის ტრიბუნიდან მიმართვის საშუალება, სავარაუდოდ, მარტის ბოლოსკენ ექნება, თუმცა, მისი გამოსვლა იქნება ცარიელ კედლებში თუ პარლამენტში, ეს დამოკიდებულია მის გადაწყვეტილებაზე - მზადაა თუ არა, რომ გაიზიაროს შეთავაზებული საკონსტიტუციო ცვლილება
