გუბერნატორის ინსტიტუტი უქმდება, -აღნიშნულის შესახებ მთარობის სხდომის დასრულების შემდეგ რეგიონული განვითარებისა და ინფრასტრუქტურის მინისტრმა დავით ნარმანიამ განაცხადა და აღნიშნა, რომ ახალი რეგულაცია ძალაში 2014 წლის ადგილობრივი არჩევნების შემდეგ შევა.
,,კანონით განისაზღვრება სამხარეო ტერიტორიულ ადმინისტრაციული ერთეულების ფორმირება. ანუ ამისთვის შემუშავებული იქნება სპეციალური კანონმდებლობა. მეორე- სამხარეო დონეზე დაინერგება სამხარეო თვითმმართველობის ძირითადი ელემენტები, რაც გულისხმობს წარმომადგენლობითი ორგანოს შექმნას, რომელიც ფორმირებული იქნება პირველ დონზე არჩეული ადგილობრივი თვითმმართველობის წარმომადგენლებისგან, მხარეს ეყოლება აღმასრულებელი ხელისუფლება რომლის ხელმძღვანელი იქნება ადმინისტრაციის ხელმძღვანელი. ადმინისტრაციის ხელმძღვანელის სამ კანდიდატურას შეარჩევს სამხარეო საბჭო, რომელიც ფორმირებული იქნება ადგილობრივი თვითმმართველობის წარმომადგენლებისგან და იგი წარუდგენს მთავრობა კანდიდატებს და მთავრობა უკვე დაამტკიცებს ერთ კანდიდატურას, რომელიც მხარის ადმინისტრაციული ორგანოს ხელმძღვანელი იქნება", - განაცხადა ნარმანიამ.