რაც ბოლო დროს პარტიის ზოგიერთ რეგიონალურ სტრუქტურებში მოხდა საერთო არაფერი აქვს დემოკრატიასთან. ყველამ კარგად იცით, რეგიონებში რამდენი ადამიანი გაწევრიანდა პარტიაში და მათ შორის რამდენი აღმოჩნდა თანამდებობისა და ხელმძღვანელობის მსურველი", _ განაცხადა საქართველოს პრემიერ-მინისტრმა ბიძინა ივანიშვილმა "ქართული ოცნების " ყრილობაზე სიტყვით გამოსვლისას.
მისივე თქმით, ხალხი ერთმანეთს დაუპირისპირდა, თუმცა ძალადობით თავს ვერავინ დაიმკვირდებს.
"ვერც ხელმძღვანელ პოსტებზე მოხვდებიან ძალაუფლების მოპოვების ჟინით შეპყრობილი ადამიანები. ერთმანეთის ურთიერთქიშპით მხოლოდ კნინდება და სახელი უტყდება ჩვენს პარტიას. ჩვენ ამას არ დავუშვებთ. მე სრულიად შეგნებულად გადავწყვიტე არ ჩავრეულიყავი ადგილებზე პარტიული სტრუქტურების ჩამოყალიბებაში. მე არ ვიკადრე თბილისიდან დამენიშნა ხელმძვანელი პირები. ეს საქმე ადგილზე რაიონულ ორგანიზაციებს მივანდე, თუმცა ბევრ გაუგებრობას წავაწყდი. ამას რა თქმა უნდა თავისი ახსნა მოეძებნება", _ განაცხადა ივანიშვილმა და დასძინა, რომ არჩევნების შემდეგ ხალხმა ამოისუნთქა და ხალხმა თავისუფლად აზრის გამოხატვა შეძლო.
"და ეს ყველამ ისე გამოხატა როგორც შეძლო. სამწუხაროდ მოხდა ისე, რომ ზოგმა ურთიერთიბის ფორმად დაპირისპირება აირჩია. რაც არ შეგვშვენით - ჩვენ დემპოკრატიასა და თავისუფლებაში ცხოვრება უნდა ვისწავლოთ", _ განაცხადა ივანიშვილმა.