სამომავლოდ საქართველო და თურქეთი პატიმრებს გაცვლიან. აღნიშნულის შესახებ გადაწყვეტილება ქვეყნის პრემიერ-მინისტრის თურქეთში ვიზიტისას იქნა მიღებული. აღნიშნულის შესახებ მთავრობის სხდომის დასრულების შემდეგ იუსტიციის მინისტრმა თეა წულუკიანმა ფაქტის შეფასება გააკეთა.
,,ჩვენ პრემიერის თურქეთში ვიზიტამდე გვქონდა, გვაქვს და გვექნება თურქეთის მხარესთან აქტიური და თანამშრომლობითი ურთიერთობა. ეს გულისხმობს იმას, რომ საქართველოში მყოფი თურქი პატიმრები, თუ საფუძვლიანად ჩაითვლება მათი გადაცემა თურქეთის მხარისთვის, გადავცეთ, რათა დარჩენილი სასჯელი მოიხადონ თურქეთში და თურქეთის მხარემ თუ ჩვენ მოვითხოვნით გადმოგვცეს ჩვენი ქართველი მსჯავრდებულები, რომლებიც სასჯელს თურქეთის ციხეში იხდიან", - განაცხადა წულუკიანმა და აღნიშნა, რომ პირველ ეტაპზე მოხდება იმ საქმეების გადახედვა, სადაც კონვერტირებულია გადაწყვეტილება.
,,კონვერტირებული გადაწყვეტილება ჰქვია გადაწყევტილებას რომელიც უცხო ქვეყნიდან შემოდის და წარმოადგენს მარტივად, რომ ვთქვა ეკვივალენტს ჩვენი ქართული განაჩენისა, რათა ჩვენ პირველ რიგში, ვიცოდეთ იქ რომ ჩავა მსჯავრდებული რამდენს მოიხდის სასჯელს, რადგან იცით რომ ორი ქვეყნის სისხლის სამართლის კოდექსი იდენტური არ არის", _განაცხადა წულუკინმა.
