,,დავით ბაქრაძე ადასტურებს, რომ შესაძლოა საკონსტიტუციო ცვლილებები ოქტომბრამდე ამოქმედეს", -განაცხადა ჟურნალისიტებთან საპარლამენტო ოპოზიციის ლიდერმა დავით ბაქრაძემ დავით უსუფაშვილის განცხადების კომენტირებისას და აღნიშნა, რომ ამ მიმართულებით კონსულტაციები მიმდინარეობს.
,,ჩვენი შეთავაზებაა, რომ ახალი კონსტიტუციის ნაწილი, რომელიც ოქტომბერში უნდა ამოქმედდეს დღესვე ამოქმედეს და არ დაველოდოთ ოქტომბრის საპრეზიდენტო არჩევნებს. ვფიქრობ, ეს არის უკიდურესად კონსტრუქციული შეთავაზება და ამ პროცესში ჩვენ ამოვდიოდით ერთი მთავარი მიზნიდან, ეს იყო არა ზრუნვა იმაზე ვის რამდენი უფლებამოსილება ექნება და მყარად იგრძნობს საკუთარ სკამზე, არამედ ზრუნვა ჩვენს საზოგადოებასა და ქვეყანაზე", _განაცხადა ბაქრაძემ და აღნიშნა, საუბარია არ ახალი კონსტიტუციის სრული პაკეტის, არამედ გარკვეული პუნქტების ამოქმედებაზე.
შეგახსენებთ, რომ პარლამენტის თავმჯდომარის განცხადებით, შესაძლოა პრეზიდენტს უფლებები საპრეზიდენტო არჩევნებამდე შეუმცირდეს.
,,ნაციონალური მოძრაობა" გამოვიდა ინიციატივით, რომ პრეზიდენტს უფლებები საპრეზიდენტო არჩევნებამდე შეუმცირდეს", -განაცხადა ჟურნალისტებთან პარლამენტის თავმჯდომარემ დავით უსუფაშვილმა საპარლამენტო ოპოზიციასა და უმრავლესობას შორის მომდინარე კონსულტაციების კომენტირებისას და აღნიშნა, რომ საკონსტიტუციო ცვლილებებთან დაკავშირებით კონსულტაციები მიმდინარეობს.