"ქართული ოცნების" ადგილობრივი ორგანიზაციის კონფერენცია რუსთავში კიდევ ერთხელ ჩაიშალა. პარტიის ორ ჯგუფად გაყოფილი წევრები თავმჯდომარეობის კანდიდატზე ისევ ვერ შეთანხმდენენ.
რუსთავის "ქართული ოცნების" ადგილობრივი ორგანიზაციის ხელმძღვანელის პოსტისთვის ორი კანდიდატი - ალექსანდრე ბერიძე და ელზა ლეკვეიშვილი იბრძვიან.
ვერც ერთი კანდიდატის მომხრეებმა ვერ მოახერხეს იმ შენობაში შესვლა, სადაც კონფერენცია უნდა გამართულიყო. შეხვედრის ხმაურიანი ჩაშლის მიზეზი პარტიის წევრების ორი სხვადასხვა სია გახდა.
