პრემიერ მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე რუსეთის პრეზიდენტის წარმომადგენელს გრიგორი კარასინს ჟენევაში აღარ შეხვდება. ისინი ერთმანეთს ევროპის სხვა რომელიმე ქალაქში შეხვდებიან.
ზურაბ აბაშიძის განცხადებით, ქართულმა მხარემ არ უნდა დაუშვას ჟენევის ფორმატის დაკნინება და მისი ჩანაცვლება. მხარეები შეხვედრაზე სავაჭრო, სატრანსპორტო ურთიერთობებსა და კულტურულ-ჰუმანიტარული თანამშრომლობის საკითხებს განიხილავენ.
აბაშიძის განმარტებით, ამ ეტაპზე მოლაპარაკებები კონფლიქტურ ტერიტორიებს არ შეეხება, თუმცა მომავალში ამ საკითხზე საუბარი აუცილებლად შედგება.