დღეს, 15 თებერვალს, 11:00 საათზე, სასტუმრო "რედისონში"საქართველოს პარლამენტის თავმჯდომარის, დავით უსუფაშვილის ინიციატივით, საპარლამენტო მხარდაჭერის საკოორდინაციო საკითხებზე შეხვედრა გაიმართება.
შეხვედრაზე საპარლამენტო პროექტებისა და ინიციატივების განმახორციელებელი დონორი და საერთაშორისო ორგანიზაციები იქნებიან წარმოდგენილი.
ღონისძიების მიზანია, მიმდინარე და დაგეგმილი საპარლამენტო პროექტების გაცნობა, კოორდინაციის გაუმჯობესება და საპარლამენტო რეფორმის პროცესის გაძლიერებისთვის ეფექტური მექანიზმების დასახვა.
მონაწილეებს სიტყვით მიმართავენ საქართველოს პარლამენტის თავმჯდომარე დავით უსუფაშვილი, გაეროს განვითარების პროგრამის მუდმივი წარმომადგენელი საქართველოში ჯეიმი მაკგოლდრიკი და ევროკავშირის დელეგაციის ხელმძღვანელის მოადგილე ბორის იაროჩევიცი.
