”ნაციონალური მოძრაობის" წევრმა ირმა ნადირაშვილმა კოალიციის წევრების 11 კაციანი სია გამოქვეყნა რომელთა ახლობლები სპორტის სამინიტროში, ბოლო პერიოდში, მაღალ თანამდებობაზე დაინიშნენ.
,,პრემიერ-მინისტრმა დააკანონა ისიც, რომ თუ არ გყავს პატრონი ,,ქართულ ოცნებაში" თუ არ ხარ რომელიმე მაღალი თანამდებობის პირის ოჯახისწევრი, ან ნათელმირონი მაშინ შენთვის შეუძლებელია მიაღწიო რამეს. ზურაბ აბაშიძე პარლამენტის ვიცე-სპიკერი გახდა ბეისბოლის ფედერაციის პრეზიდენტი, ლერი ხაბელოვი სპორტის ადა ახალგაზრდულ საქმეთა კომიტეტის თავმჯდომარე გახდა საქართველოს ოლიმპიური კომიტეტის პრეზიდენტი, ლერი ხაბელოვის მოადგილე საპარლამენტო კომიტეტში გახლავთ შოთა ხაბარელი. რაც შეეხება შოთა ხაბარელის შვილს მამუკა ხაბარელს ის იკავებს უკვე ლერი ხაბელოვის მოადგილის პოსტს, ოღონდ ამ შემთხვევაში ოლიმპიურ კომიტეტში. ლუკა კურტანიძეს, რაც შეეხება ის არის ჭიდაობის ფედერაციის პრეზიდენტია, დავით ქევხიშვილი_ყვარელის გამგებელი, ყოფილი მაჟორიტარობის კანდიდატი ,,ქართული ოცნებიდან" გახლავთ ძიუდოს ფედერაციის პრეზიდენტი, კახა ბექაური პრემიერ-მინისტრის მეუღლის ტელევიზიის ,,მეცხრე არხის" ყოფილი დირექტორი გახდა სროლის ფედერაციის პრეზიდენტი. ლევან ყიფიანმა სამინისტროში მიიყვანა კახი კალაძის მეუღლის ძმა და დანიშნა ერთ-ერთი სამსახურის უფროსის მოადგილედ", -განაცხადა ირმა ნადირაშვილმა.