,,მზად ვარ პასუხი ვაგო როგორც სამართლებრივად, ისე პოლიტიკურად", -განაცხადა ,,ხალხის პარტიის" ოფისში გამართულ პრესკონფერენციაზე კოალიციის ერთ-ერთმა ლიდერმა კობა დავითაშვილმა ,,მაესტროში მომხდარი ინციდენტის კომენტირებისას და აღნიშნა, რომ ის მომხდარის გამო ბოდიშის მოხდას არ აპირებს.
,,მინდა ვაღიარო, რომ ბატონ რატიანს ჩემთვის ხელი არ დაურტყია, მან ხელი მოიქნია, მაგრამ ხელი არ მომხვედრია. პირველი ხელი მე ვკარი, რადგან მისი წაქცევა არ ამცირებს მას, რადგან ფეხი დაუცდა და პირველად მე შევაგინე. არაფერს არ ვნანობ, არც ბოდიშის მოხდას არ ვაპირებ, მაგრამ მზად ვარ პასუხი ვაგო როგორც სამართლებრივად, ისე პოლიტიკურად", _განაცხადა კობა დავითაშვილმა.
შეგახსენებთ, რომ ტელეკომპანია მაესტროს გადაცემა "არგუმენტებში", რომლის სტუმრებიც უმრავლესობიდან კობა დავითაშვილი და უცირესობიდან სერგო რატიანი იყვნენ, ინცინდენტი მოხდა. გადაცემის ავტორი და წამყვანი თეა სიჭინავა სტუმრებთან 8 თებერვალს ეროვნულ ბიბლიოთეკასთან მოხდარ ინცინდენტზე საუბრობდა. რატიანი-დავითაშვილის პოლემიკა ხელჩართულ ჩხუბში გადაიზარდა. რატიანმა გადაცემის მსველობისას განაცხადა, რომ კობა დავითაშვილის შეფასებები არის ადეკვატური თუ არ დაამატებს "სხვა რაღაცებს", რაზედაც დავითაშვილმა უპასუხა: "-სამჯერ მკლავდი და ხმა არ ამოვიღო ამაზე?".
...
რატიანი: ბატონო კობა, ძალიან ცუდად იქცევით, არაადეკვატურად იქცევით. თქვენ არაადეკვატურად იქცევით, არგუმენტები არაგაქვთ. იწყებთ ყვირილს. კიდე ერთხელ, ის რაც არის ორჯერ ორი ოთხი, იმას ადასტურებთ. თქვენ არც ერთი არგუმენტი არაგაქვთ. თქვენ შეგიძლიათ ყვირილი და ბღავილი გარდასულ დღებზე.
დავითაშვილი: ნაძირალა ხარ, მკველი და არაკაცი.
ამის შემდეგ, რატიანმა დავითაშვლს მაგიდაზე მდგარი ჭიქა მაგიდაზე დაარტყა და დაამსხვრია. დავითაშვილი წამოდგა და რატიანისკენ გაეშურა.
დავითაშვილი: წადი ახლა... გადი...
რატიანმა დავითაშვილს მუშტი ჩაარტყა, რის შემდეგადაც ინცინდენტში მაესტროს თანამშრომლები ჩართვნენ და გადაცემის სტუმრები დარბაზიდან გაიყვანეს.