,,ქართული ოცნება-დემოკრატიულ საქართველოს" თავმჯდომარე არ ეყოლება. როგორც პოლიტსაბჭოს გუშინდელ სხდომაზე გადაწყდა პარტიას ერთი კონკრეტული თავმჯდომარე არ ეყოლება და მას პოლიტსაბჭო უხელმძღვანელებს.
,,საპატიო თავმჯდომარედ ბიძინა ივანიშვილს განვიხილავთ. პარტიას ცალკე თავმჯდომარე არ ეყოლება. ეყოლება პოლიტსაბჭო, რომელსაც ყრილობა აირჩევს. შემდგომ პოლიტსაბჭო თავისი რიგებიდან პოლიტსაბჭოს მდივანს აირჩევს, ეს საკითხი პოლიტსაბჭოს გადასაწყვეტია და კონკრეტულ სახელებზე ამ ეტაპზე საუბარი არ შეგვიძლია, ვიდრე ყრილობა არ მიიღებს გადაწყვეტილებას", - განაცხადა ჟურნალისტებთან პარტიის ამჟამინდელმა თავმჯდომარემ მანანა კობახიძემ.
შეგახსენებთ, რომ ,,ქართული ოცნება-'დემოკრატიული საქართველოს" ყრილობა 16 თებერვალს ჩატარდება, -აღნიშნულის შესახებ ,,ჯი-ეიჩ-ენთან" საუბარში საპარლამენტო უმრავლესობის ლიდერმა დავით საგანელიძემ განაცხადა.
,,პარტიის ყრილობა ჩატარადება 16 თებერვალს, ფილარმონიის დარბაზში 15:00 საათზე ", -განაცხადა საგანელიძემ და აღნიშნა, რომ ყრილობაზე პარტიის ახალ წესდებას დაამტკიცებენ.