,,ევროკავშირთან ასოცირების ხელშეკრულებაზე მოლაპარაკებას არანაირი საფრთხე არ ემუქრება", - განაცხადა ,,ჯი-ეიჩ-ენთან" საუბარში პარლამენტის საგარეო ურთიერთობათა კომიტეტის თავმჯდომარემ თედო ჯაფარიძემ ,,ევროპის სახალხო პარტიის" განცხადების კომენტირებისას და აღნიშნა, რომ ის ინციდენტი რომელიც საჯარო ბიბლიოთეკასა და ,,მაესტროში"' მოხდა არასასიამოვნოა.
,,ამგვარი ფაქტები, რა თქმა უნდა, მისასალმებელი არ არის. მე, პირადად, თედო ჯაფარიძე, როგორც საქართველოს მოქალაქე ყოველგვარი ძალადობრივი ქმედებების წინააღმდეგი ვარ, პოლიტიკური პროცესები პოლიტიკური დისკუსიების გზით უნდა წარიმართოს, ამიტომ ამ საკითხთან დაკავშირებით ჩვენი და ევროპელი კოლეგების პოზიცია ემთხვევა. თუმცა, დარწმუნებული ვარ, რომ ეს ფაქტი საქართველოს ევროატლანტიკურ ინტეგრაციის პროცესზე არავითარ გავლენას არ იქონიებს", _განაცხადა თედო ჯაფარიძემ და აღნიშნა, რომ საქართველოს საგარეო კურსი ევროატლანტიკურია.
,,ახლახანს ვიმყოფებოდი მიუნხენის უსაფრთხოების კონფერენციაზე, სადაც მსოფლიოს პოლიტიკის ელიტის წარმომადგენლები იკრიბებიან, მათთან მქონდა საუბარი რვა თებერვალს მომხდარ ინციდენტთან დაკავშირებით, ჰქონდათ გარკვეული შენიშვნები, მაგრამ ყველა მათგანი მიიჩნევს, რომ საქართველომ არჩევნების გზით, ხელისუფლების მშვიდობიანად შეცვლით გადადგა დიდი ევოლუციური და არა რევოლუციური ნაბიჯი", - განაცხადა თედო ჯაფარიძემ და აღნიშნა, რომ საქართველოს მთავრობა ორიენტირებულია საქართველოს ევროატლანტკიურ ინტეგრაციაზე.
შეგახსენებთ, რომ ევროპის სახალხოხო პარტიის პრეზიდენტმა ვილფრედ მარტენსმა და ევრონესტის საპარლამენტო ასამბლეაში ევროპის სახალხო პარტიის ფრაქციის თავმჯდომარემ, ვიცეპ-რეზიდენტმა იაცეკ სარიუშ-ვოლსკიმ საქართველოში ,,ერთიანი ნაციონალური მოძრაობის" წევრი პარლამენტარების მიმართ განხორციელებულ ძალადობრივ ქმედებებთან დაკავშირებით განცხადება გაავრცელეს, სადაც აღნიშნულია, რომ 8 თებერვალს მომხდარი ყოვლად გაუმართლებელი ძალადობა შოკის¬მომგვრელია ევროპის საზოგადოებრივი აზრის, ევროკავშირის ლიდერებისა და საერთაშორისო დამკვირვებლების¬თვის. მათ აღნიშნეს, რომ საქართველო არასწორი მიმართულებით მიდის. მთავრობის არადემოკრატიული ქმედებების გამოკიევროკავშირთან ასოცირების ხელშეკრულებაზე მოლაპარაკებების გაგრძელება შეუძლებელი ხდება.