საქართველოს დელეგაცია, რომელსაც პრემიერ-მინისტრი ბიძინა ივანიშვილი ხელმძღვანელობს, ოფიციალური ვიზიტით თურქეთს ეწვია.
პრემიერსის პრეს-სამსხურის ინფორმაცით, ერთდღიანი ვიზიტის ფარგლებში დაგეგმილია შეხვედრები თურქეთის პრეზიდენტ აბდულაჰ გულისთან, პრემიერ-მინისტრ რეჯეფ თაიფ ერდოღანთან და თურქეთის დიდი ეროვნული მეჯლისის თავმჯდომარე ჯემილ ჩიჩექსთან.
დღესვე საქართველოს დელეგაცია ათათურქის მავზოლეუმს მოინახულებს.
ვიზიტის დასასრულს გაიმართება ოფიციალური სადილი თურქეთის რესპუბლიკის პრემიერ-მინისტრის სახელით ბიძინა ივანიშვილის პატივსაცემად. საქართველოს დელეგაციის შემადგენლობაში იმყოფებიან: ეკონომიკისა და მდგრადი განვითარების მინისტრი გიორგი კვირიკაშვილი, საგარეო საქმეთა მინისტრი მაია ფანჯიკიძე, თავდაცვის მინისტრი ირაკლი ალასანია, ენერგეტიკისა და ბუნებრივი რესურსების მინისტრი კახა კალაძე, საპარტნიორო ფონდის ხელმძღვანელი ირაკლი კოვზანაძე, ასევე ფინანსთა სამინისტროსა და კუტურის სამინისტროს წარმომადგენლები.
