"ჩვენი მოლაპარაკებები ყოველდღე უახლოვდება იმას, რომ მხარეები შეჯერდნენ", - ასეთი განცხადებით დასრულდა მოლაპარაკების მესამე რაუნდი გუშინ გვიან ღამით.
შეხვედრას დავით უსუფაშვილი, დავით ბაქრაძე და პავლე კუბლაშვილი ესწრებოდნენ. მოლაპარაკებები კვლავ იუსტიციის სახლში მიმდინარეობდა. საუბარი საკონსტიტუციო ცვლილებებს შეეხებოდა.
როგორც, საპარლამენტო უმცირესობის ლიდერი დავით ბაქრაძე აცხადებს, რთულია პოზიციების შეთანხმება, როდესაც ასეთი დიამეტრალური განსხვავებებია ბევრ საკითხზე, თუმცა თვლის, რომ ყოველდღე უახლოვდებიან იმ პერსპექტივას, რომ საბოლოო ჯამში შეთანხმდნენ.
პარლამენტის თავმჯდომარე დავით უსუფაშვილმა გუშინდელ შეხვედრასთან დაკავშირებით კომენტარი არ გააკეთა.
